ఉదయాన్నే కడుపు శుభ్రం చేసుకోవడం ఎందుకు అవసరం?
ప్రతి రోజు జీర్ణవ్యవస్థ సరిగ్గా పనిచేయాలంటే శరీరంలోని విషపదార్థాలను (టాక్సిన్స్) బయటకు పంపడం చాలా ముఖ్యం. ఉదయం కడుపు బాగా శుభ్రం కాకపోతే, మలబద్ధకం, గ్యాస్, తలనొప్పి, అలసట, బరువు తగ్గడం వంటి సమస్యలు ఎదురవుతాయి. అందుకే ఆయుర్వేదం నుంచి ఆధునిక వైద్య శాస్త్రం వరకు, రోజూ ఉదయం కడుపు శుభ్రంగా ఉండేలా చూసుకోవాలని సిఫారసు చేస్తారు.
శరీర సహజ వ్యవస్థ ఏం చెబుతుంది?
మన శరీరంలో సిర్కాడియన్ రిథమ్ అనే అంతర్గత గడియారం ఉంటుంది. ఇది రోజంతా జరిగే శారీరక కార్యకలాపాలను నియంత్రిస్తుంది. ఉదయం 5 నుంచి 7 గంటల మధ్యలో మన పెద్ద ప్రేగు అత్యంత చురుకుగా ఉంటుంది. ఈ సమయంలో మలవిసర్జన సజావుగా జరిగే అవకాశం ఎక్కువ.
కానీ, మీరు మంచం దిగిన వెంటనే టాయిలెట్‌కు వెళ్లిపోతే శరీరం ఇంకా పూర్తిగా మేల్కొని ఉండకపోవచ్చు. దాంతో మలవిసర్జన తృప్తికరంగా జరగదు లేదా తిరిగి తిరిగి వెళ్లాల్సి వస్తుంది.
మంచం దిగిన తర్వాత ఎంతసేపటికి టాయిలెట్‌కి వెళ్లాలి?
నిపుణుల ప్రకారం, నిద్రలేచిన వెంటనే కాకుండా, కనీసం 10–20 నిమిషాలు శరీరాన్ని మేల్కొనేలా చేయాలి. ఈ సమయంలో తేలికగా నడవడం, హల్కా స్ట్రెచింగ్ చేయడం మంచిది. గోరువెచ్చని నీరు లేదా నిమ్మరసం కలిపిన నీరు తాగడం జీర్ణవ్యవస్థను ఉత్తేజితం చేస్తుంది. ఈ అలవాట్లు మీకు సహజంగా టాయిలెట్‌కి వెళ్లే అవసరాన్ని కలిగిస్తాయి.
ఉదయాన్నే కడుపు శుభ్రం అయ్యేలా చేసే అలవాట్లు:
- గోరువెచ్చని నీరు తాగండి: నిద్ర లేచిన వెంటనే ఒక గ్లాసు గోరువెచ్చని నీరు త్రాగడం చాలా మంచిది. దానిలో నిమ్మరసం, తేనె కలిపితే ఇంకా ఉపయోగకరం.
- తేలికగా నడవండి లేదా స్ట్రెచింగ్ చేయండి: రూమ్‌లోనే కొద్దిగా నడవండి. లైట్ స్ట్రెచింగ్ చేస్తే శరీర చురుకుదనం పెరుగుతుంది.
- మలసానా భంగిమలో కూర్చోవడం: ఈ యోగాసన భంగిమ ఉదరంపై ఒత్తిడి పెంచి మలవిసర్జనకు సహాయపడుతుంది.
- టీ లేదా కాఫీ: కొందరికి ఉదయం టీ లేదా కాఫీ తాగితే కడుపు శుభ్రం అవుతుంది. అయితే ఇది ప్రతి ఒక్కరికీ పనిచేస్తుందనే గ్యారంటీ లేదు. ఇది వ్యక్తుల శరీర ధర్మంపై ఆధారపడి ఉంటుంది.
తుది మాట:
ఉదయం నిద్రలేచిన వెంటనే టాయిలెట్‌కి వెళ్లిపోకండి. మీ శరీరానికి మేల్కొనే సమయం ఇవ్వండి. కొన్ని సింపుల్ అలవాట్లు పాటిస్తే, రోజూ సహజంగా, సౌకర్యంగా కడుపు శుభ్రం అవుతుంది.
About the Author
