Lavanya :నార్సింగి పోలీసులకు ఇదే పెద్ద పనైపోయిందే… ఈ కేసు ఎంతకూ తెగేట్లు లేదే?

ఇటీవల రాజ్ తరుణ్ తల్లిదండ్రులు ఇంటి వద్దకు వచ్చి తమ కుమారుడి ఇంట్లోకి తమను అనుమతించాలని గట్టిగా పట్టుబట్టారు. బయట కాసేపు నిరసన తెలియజేశారు. తమ కుమారుడు కొనుగోలు చేసిన ఇంట్లో లావణ్య ఉంటుందని, తమకు హక్కు ఉందని వారు ఆరోపించారు. అయితే చివరకు లావణ్య రాజ్ తరుణ్ తల్లిదండ్రులను ఇంట్లోకి అనుమతిచ్చారు. అయితే ఈ ఘటన జరిగిన తర్వాత మరోసారి రాజ్ తరుణ్ పై ఫిర్యాదు చేసిందని, కావాలనే లేని పోని ఆరోపణలు చేస్తుందని రాజ్ తరుణ్ తల్లిదండ్రలు ఆరోపిస్తున్నారు.

నార్సింగి పోలీస్ స్టేషన్ లో రాజ్ తరుణ్ తో పాటు శేఖర్ భాషాపై ఫిర్యాదు చేసిన లావణ్య తర్వాత మీడియాతో మాట్లాడారు. ఇటీవల తనపై కొందరు దాడికి దిగారని, తమ కేసు ప్రస్తుతం న్యాయస్థానంలో ఉందని, అయితే తనపై దాడికి కొందరు ప్రయత్నించారంటూ మరోసారి లావణ్య నార్సింగి పోలీసులకు ఫిర్యాదుచ చేశారు.ఫిర్యాదు చేసి గంటలు గడుస్తున్నా వారిపై ఎలాంటి చర్యలు పోలీసులు తీసుకోవడం లేదని ఆరోపించారు. తాను ప్రతి నిమిషం ప్రాణభయంతో బతుకున్నానని, తనకు రక్షణ కల్పించాలని, వారిని అరెస్ట్ చేయాలని లావణ్య కోరుతున్నారు. తమకు ఈ కేసు తప్పించి వేరే పనిలేదన్నట్లుగా వరస ఫిర్యాదులు చూసి నార్సింగి పోలీసులు విసుగుచెందుతున్నారు.