భారతదేశంలో టీ కేవలం ఒక పానీయం మాత్రమే కాదు.. అంతకు మించి అనేవారు ఎక్కువే. చాయ్ లేదా టీ అనేది చాలా మంది భారతీయుల రోజువారీ జీవితంలో అంతర్భాగం. ఈ సమయంలో… అల్లం టీ, బెల్లం టీ నుంచి మొదలు ఇరానీ ఛాయ్, తందూరీ చాయ్, మసాలా చాయ్, ఇలాచీ చాయ్, బాదం చాయ్, మొదలైన ఎన్నో రకాల టీలు అందుబాటులో ఉంటాయి.
ఈ క్రమంలో ప్రతీ రోజు ఉదయం టీ తోనే రోజు స్టార్ట్ చేసేవారు.. ఆఫీసులో ఉంటే రోజుకి కనీసం రెండు మూడు సార్లు ఆ తేనీటిని జిహ్వకు రుచి చూపించేవారు చాలా మందే ఉంటారు. ఈ క్రమంలో ఒక టీకి ఎంత ధర చెల్లిసారు? రోడ్డుపై బండి దగ్గర కనీసం రూ.10 నుంచి టీ ధర స్టార్ట్ అవుతుందనుకుంటే స్టార్ హోటల్స్ లో రూ.500 – 750 మధ్య ఉంటుంది!
ఇది చాలా మందికి తెలిసిన విషయమే. అయితే… అల్లం, బెల్లం, ఇలాచీ, బాదం ఇలాంటివి కాకుండా రొటీన్ కి భిన్నంగా, ఎవరూ ఊహించని టీని అందిస్తోంది దుబాయ్ లోని ఓ హోటల్. దాన్ని 24 క్యారెట్స్ బంగారంతో తయారు చేస్తుండటం గమనార్హం. దీన్ని వెండికప్పులో అందిస్తారు. అయితే.. ఈ గోల్డ్ టీ ధర దాదాపు లక్ష రూపాయలు పైనే (5,000 దిరామ్స్)!
అవును.. ఒక సగటు భారతీయుడు ఒక కప్పు చాయ్ కోసం ఎంతవరకూ ఖర్చు చేయవచ్చు? రూ.10 నుంచి రూ.1000 వరకూ అనుకున్నా… దుబాయ్ కేఫ్ లో మాత్రం ఈ కప్పు టీ ధర లక్ష రూపాయలు. అదే గోల్డ్ టీ. డీ.ఐ.ఎఫ్.సీ. ఎమిరేట్స్ ఫైనాన్షియల్ టవర్స్ లోని భారతీయ సంతతికి చెందిన సుచేతా శర్మ నడుపుతున్న కేఫ్ లో ఈ ‘గోల్డ్ కరక్ టీ’ దొరుకుతోంది.
అంతేకాదండోయ్… ఈ కేఫ్ లో బంగారంతో నింపిన క్రోసెంట్స్, బంగారు నీరు, బంగారు బర్గర్లు, బంగారు ఐస్ క్రీం వంటి ఇతర బంగారుతో నింపిన ఆహార పదార్థాలు కూడా లభిస్తాయి. ఈ విషయం సోషల్ మీడియాలో నెటిజన్లు విపరీతంగా ఆకర్షిస్తోంది. దీని ధర విన్న నెటిజన్లు… ఈఎంఐ ఆప్షన్ గురించి అడుగుతుండటం గమనార్హం.
About the Author
