Operation Sindoor : ఉగ్ర దాడులకు స్కెచ్ వేసే ఇతగాడు హతమయ్యాడట

ఈ దాడుల్లో జైషే మహమ్మద్ చీఫ్ మసూద్ అజర్ కుటుంబంలోని సభ్యులతో పాటు సన్నిహతులు పథ్నాలుగు మందితో పాటు రవూఫ్ అజహర్ కూడా ఉన్నారని చెబుతున్నారు. రవూవ్ అజహర్ భారత్ లో జరిగిన అనేక ఉగ్రదాడుల్లో నిందితుడుగా ఉన్నాడు. అతను స్కెచ్ వేసి ఉగ్రవాదులను భారత్ పైకి ఉసిగొల్పుతాడు . తానిచ్చిన ఆపరేషన్ పూర్తయ్యేంత వరకూ రవూవ్ అజహర్ వారితో టచ్ లో ఉండి వారికి డైరెక్షన్ ఇస్తుంటాడని చెబుతున్నారు. రవూవ్ అజహర్ వాల్ స్ట్రీట్ జర్నల్ జర్నలిస్ట్ డేనియల్ షెర్ల్ హత్య లో కూడా ఇతను పాలుపంచుకున్నట్లు ఆధారాలున్నాయి. ఉగ్రవాదంపై మతపెద్దలను కలిసేందుకు కరాచీ వెళ్లిన డేనియల్ షెర్ల్ ను హతమార్చారు.

దీంతో పాటు 1999లో జరిగిన విమానం హైజాక్ లో కూడా రవూవ్ అజహర్ వెనక ఉండి నడిపించాడు. దాని ఫలితంగా చేతికి చిక్కిన మసూద్ అజహర్ ను భారత్ విడిచిపెట్టాల్సి వచ్చింది. అయితే ఇవి మాత్రమే కాకుండా 2001లో భారత్ పార్లమెంటుపై జరిగిన దాడిలోనూ, పఠాన్ కోట్ దాడి లోనూ, 2019 లో జరిగిన పుల్వామా లో జరిగిన బాంబ్ బ్లాస్ట్ విషయంలో గాని రవూవ్ అజహర్ పాత్ర ఉందని తేల్చారు. ప్రస్తుతం జైషే మహ్మద్ కీలక కమాండర్ గా ఉన్న రవూవ్ అజహర్ మరణించాడన్న వార్తలు మసూద్ అజహర్ కుడి భుజం పోయినట్లేనని అంటున్నారు. అదే సమయంలో కరడు గట్టిన ఉగ్రవాది.. దాడులకు స్కెచ్ వేసే ఉగ్రవాద ఇంజనీర్ కూడా మరణించడంతో జైషే మహమ్మద్ కు కోలుకోలేని దెబ్బ అని అంతర్జాతీయ మీడియా పలు కథనాలను ప్రసారం చేస్తుంది.