హైదరాబాద్: వాతావరణ శాఖ భారీ వర్షాల హెచ్చరిక జారీ చేసింది. ద్రోణి ప్రభావం మరియు ఉపరితల ఆవర్తనం కారణంగా తెలంగాణ వ్యాప్తంగా వర్షపాతం కొనసాగుతోంది. సాయంత్రం నుంచి నగరంలోని కొన్ని ప్రాంతాల్లో తీవ్ర వర్షపాతం నమోదవుతుందని IMD తెలిపింది.
వర్షపాతం వివరాలు
- చల్లటి గాలులు, ఉరుములు, మెరుపులతో కూడిన తీవ్ర వర్షం Hyderabadలో కొన్ని ప్రాంతాల్లో ఇప్పటికే ప్రారంభమైంది.
- అంబర్‌పేట్, రామంతపూర్, కోఠి, దిల్‌సుఖ్‌నగర్, సరూర్‌నగర్, ఎల్బీనగర్, మలక్‌పేట్, చార్మినార్, నాంపల్లి ప్రాంతాల్లో వర్షపాతం నమోదైంది.
- ఖైరతాబాద్, లక్డీకాపూల్, రాజ్‌భవన్, ట్యాంక్‌బండ్ పరిసర ప్రాంతాల్లో వర్షం కొనసాగుతోంది.
- రాత్రికి Hyderabadలో భారీ వర్షం పడే అవకాశం ఉందని IMD తెలిపింది.
ప్రజలకు సూచనలు
- అత్యవసరమైతే తప్ప బయటకు వెళ్లకూడదు.
- ఆఫీసులకు వెళ్లిన వారు వీలైనంత త్వరగా ఇంటికి చేరుకోవాలి.
- చిరు వ్యాపారులు తమ దుకాణాలను మూసివేసి సురక్షితంగా ఉండాలి.
- లోతట్టు ప్రాంతాల ప్రజలు జాగ్రత్తగా ఉండాలి, అవసరమైతే సురక్షిత ప్రాంతాలకు తరలించాలి.
సీఎం సమీక్ష
ముఖ్యమంత్రి రేవంత్ రెడ్డి ఉన్నతాధికారులతో సమీక్ష నిర్వహించారు.
- గ్రేటర్ హైదరాబాద్ మున్సిపల్ అధికారులు, రెవెన్యూ, విద్యుత్, పోలీసులు సమన్వయంతో ప్రమాద నివారణ చర్యలు చేపట్టాలని ఆదేశించారు.
- రహదారులపై నీరు నిల్వకుండా చర్యలు తీసుకోవాలని, ట్రాఫిక్ సమస్యలు తలెత్తకుండా ముందస్తు చర్యలు తీసుకోవాలని CM సూచించారు.
IMD తాజా అంచనాలు
- మే 25, 26 తేదీల్లో కూడా వర్షపాతం కొనసాగే అవకాశం ఉంది.
- 30-40 kmph వేగంతో గాలులు వీచే అవకాశం ఉందని IMD తెలిపింది.
- ఖమ్మం, నల్గొండ, మహబూబ్‌నగర్, సంగారెడ్డి, వికారాబాద్ జిల్లాల్లో తీవ్ర వర్షాలు నమోదయ్యే అవకాశం ఉంది.
About the Author
