నిజామాబాద్ లో రైతు మహోత్సవంలో సమన్వయ లోపం

హెలికాప్టర్ కిందకు రావడంతో ఒక్కసారిగా దుమ్ము రేగడంతో రైతు మహోత్సవానికి వచ్చిన ప్రజలు భయాందోళనలతో బయటకు పరుగులు తీశారు. హెలిప్యాడ్ ను జిల్లా కలెక్టర్ కార్యాలయంలో ఏర్పాటు చేసినప్పటికీ అధికారుల సమన్వయ లోపం కారణంగానే పైలెట్ రైతు మహోత్సవం జరిగే ప్రాంతానికి తీసుకు రావడంతో ఈ ఘటన జరిగిందని స్థానికులు చెబుతున్నారు. నిజామాబాద్ లోని గిరిరాజ్ కళాశాల మైదానంలో జరుగుతున్న రైతు మహోత్సవం కార్యక్రమానికి మంత్రులు తుమ్మల నాగేశ్వరరావు, ఉత్తమ్ కుమార్ రెడ్డి, జూపల్లి కృష్ణారావుతోపాటు పీసీసీ చీఫ్ మహేష్ కుమార్ గౌడ్ కూడా పాల్గొంటున్నారు.